Riyadi Joko Lelono S.S., lair rikala dinten Ahad Pon, 6 Desember 1970 ing Dusun Kwageyan, Desa Gentungan, Kec. Mojogedang Kab. Karanganyar, Jawi Tengah. Wiwit alit mila kula sampun remen lan kesengsem dhumateng basa, sastra, saha kabudayan Jawi. Pramila saksampunipun lulus saking SMA PGRI I Karanganyar, taun 1990 lajeng kuliah wonten ing Fakultas Sastra, Jurusan Bahasa dan Sastra Jawa, Universitas Sebelas Maret Surakarta. Rikala kuliah mlebet wonten bebadan mahasiswa ingkang nama BKKT-UNS (Badan Koordinasi Kesenian Tradisional) minangka pelatih karawitan. Nggayuh gelar Sarjana Sastra Jawa taun 2005.
Wekdal punika gegriya wonten ing Kel. Ngringo, Kec. Jaten, Kab. Karanganyar. Semah nami Umi Salamah, SE, saha sampun pinaringan momongan cacah kalih nami pun Aldino Ilyas Baihaque tuwin Aldino Zacky Dunar. Wiwit taun 2006-2009 dados guru basa Jawi minangka GTT wonten SMK Negeri 1 Karanganyar. Lajeng wiwit taun 2009 kaangkat dados guru basa Jawi wonten ing SMP Negeri Satu Atap Kendal Kabupaten Ngawi, Jawi Wetan.
Tidak ada komentar:
Posting Komentar